Жолға бөлінген қаржыны жымқырған шенеунік қамауға алынды
![Жолға бөлінген қаржыны жымқырған шенеунік қамауға алынды Жолға бөлінген қаржыны жымқырған шенеунік қамауға алынды](/storage/storage/element/2023/07/25/mainphoto/61034/1200xauto_8oqsJm1tx4u5B02q1da3Mi1ZByQedOntF7yht7qT.jpg)
Жетісу облысы прокуратурасының арнайы прокурорлары лауазымдық өкілеттілігін асыра пайдаланды деген күдікпен «Алматы облысының жолаушылар көлігі және автомобиль жолдары басқармасы» ММ басшысының бұрынғы орынбасарын ұстады, Еl.kz ақпарат агенттігі.
Экс-шенеунік уақытша ұстау изоляторына қамалды. Ол Кербұлақ ауданы Малайсары ауылының кіреберіс автожолында жөндеу жұмыстарын жүргізу кезінде өзінің қызметтік жағдайын теріс пайдаланды деген күдікке ілінген.
Оқи отырыңыз:
- Каспий теңізіне үрмелі матраспен шығып, жоғалған үш қыз іздестіріліп жатыр
- Атырауда тәртіп сақшыларына бағынбаған 5 жігіт қамауға алынды
«Мемлекетке 37 миллион теңгеден астам сомаға материалдық залал келтірілді. Осы факті бойынша ҚР Қылмыстық кодексінің 361-бабы 4-бөлігі 3-тармағымен (лауазымдық өкілеттіктерді теріс пайдалану) сотқа дейінгі тергеу жүргізілуде», - деп хабарлады ведомствоның баспасөз қызметі.
Қазіргі таңда тергеу жұмыстары жалғасуда.
![Telegram](https://el.kz./static/site/images/tel26.png)