«Жоғары деп айта алмаймын». Вице-премьер Қазақстан мен Венгрияның сауда-саттық деңгейі туралы айтты
![«Жоғары деп айта алмаймын». Вице-премьер Қазақстан мен Венгрияның сауда-саттық деңгейі туралы айтты «Жоғары деп айта алмаймын». Вице-премьер Қазақстан мен Венгрияның сауда-саттық деңгейі туралы айтты](/storage/storage/element/2023/11/02/mainphoto/75011/1200xauto_2uFByGKlUkTVoYnqaswazasMmjjKZu8Uwvnxlj9u.jpg)
ҚР Премьер-министрінің орынбасары Серік Жұманғарин Ақорданың кулуарында Венгрия мен Қазақстанның сауда-саттық деңгейіне тоқталды, деп хабарлайды El.kz ақпараттық агенттігі.
Қазіргі сауда-саттық деңгейі өте жоғары деп айта алмаймын. Былтыр 100 миллион АҚШ доллар болды, биыл 124 пайызға өсті. 9 ай ішінде тағы да 24 пайызға артты. Оның ішінде көбі бізге Венгриядан келетін дәрі-дәрмек, көкөніс сынды импорттар, – деді ол.
Сонымен қатар Серік Жұманғарин Венгрияға Қазақстаннан балық өнімін экспорттап жатқанын айтады.
Осы жылы балық өнімінің санын 2 есе арттырып, 120 тонна жөнелттік. Балықты Еуропаға тек биылдан бастап жіберіп жатырмыз. Бүгін біз Венгрия мен Қазақстан арасындағы экспорт, импорттың әр бағытын талдаймыз, – деді ҚР Премьер-министрінің орынбасары.
![Telegram](https://el.kz./static/site/images/tel26.png)