Жетісу облысындағы су басқан елдімекендергі жағдай тұрақталды
Жетісу облысындағы су басқан елді мекендердегі жағдайға қатысты кешенді жұмыстар туралы төтенше жағдайлар министрлігі мәлімдеме жасады, деп хабарлайды El.kz ақпараттық агенттігі.
Төтенше жағдайдан кейін өңірдегі жағдай тұрақталған, су басқан үйлер туралы дерек жоқ. Жұмылдырылған күштер мен құралдар жүргізген инженерлік және су сору жұмыстарының нәтижесінде Жетісу облысының елді мекендерінің аулалар мен аулалар маңынан су құрғады. Жалпы 3 456 текше метр су сорылған.
«Құтқарушылар тұрғындарға аула аумақтарын қоқыс пен балшықтан тазартуға көмек көрсетуде. Эвакуациялау пунктінде 16 адам, оның ішінде 7 бала қалды», - деп жазылған министрлік таратқан мәліметте.
Бүгін түнде Жетісу облысының оңтүстігінде, таулы аудандарында қатты жаңбыр күтіледі. Облыстың оңтүстігінде, таулы аудандарында найзағай, күндіз бұршақ жауып, дауыл соғады. Солтүстік-батыстан жел соғады, облыстың оңтүстігінде, шығысында, таулы аудандарында екпіні 15-20, кей уақытта 25-28 м/с дейін барады.
Қысқа да нұсқа. Жазылыңыз telegram - ға