Жаңалықтар

Жетісайда базар өртенді

Өрттің нақты неден шыққаны белгісіз

Фото: Түркістан облысы ТЖД

Фото: Түркістан облысы ТЖД 26.08.2022 12:19 1671

Түркістан облысында Жетісай қаласының орталық базары өртеніп кетті, деп хабарлайды El.kz.

«Базардан шыққан өрт таңғы сағат 05:20-да ауыздықталып, 07:35-те сөндірілді. Зардап шеккендер жоқ. Өрттің шығу себебі анықталуда. Желдің салдарынан өртті сөндіру қиын болды. Жалынды сөндіруге 47 өрт сөндіруші мен 16 техника жұмылдырылды», - деді ТЖД баспасөз қызметі.

Куәгерлердің сөзіне қарағанда, базардағы сауда қатарларының тығыз орналасқан жері , маталар мен киім кешектер, тұрмысқа қажетті заттар сататын аумағы отқа оранған.

Өрттің нақты неден шыққаны да белгісіз.