Жаңалықтар

ЖЭС салуға және қайта жаңғыртуға 144 млрд теңге бөлінді

Фото: kk.m.wikipedia.org

Фото: kk.m.wikipedia.org 16.03.2023 12:41 1495

Бұл туралы Сенаттың жалпы отырысында айтылды, деп хабарлайды El.kz ақпараттық агенттігі.

«Биыл қыста болған апаттар жылу нысандарының әбден тозғанын көрсетті. Сондықтан мемлекет басшысының тапсырмасына сәйкес, еліміздің жылу энергетикалық жүйесін салуға және қайта жаңартуға қосымша 144 млрд теңге бөлінді», деді Мәулен Әшімбаев.

Сонымен қатар Сенат төрағасы мемлекет басшысының барлық тапсырмасы сапалы және белгіленген мерзімде орындалуы тиіс екендігін мәлімдеді.

Осыған дейін ол ауылдық жерлерде, денсаулық сақтауды жаңғыртуға, азаматтарды дәрі-дәрмекпен қамтамасыз етуге, өңірлерде мәдениет және спорт нысандарын салуға баса мән берілетіндігін мәлімдеген болатын.

Бөлісу: