Жаңалықтар

Жеңіске 80 жыл: Әскери парадқа дайындық қалай жүріп жатыр

Фото: Қорғаныс министрлігі

Фото: Қорғаныс министрлігі 04.04.2025 09:55 399

Қазақстанда Жеңістің 80 жылдығына арналған әскери парадқа дайындық қызу жүріп жатыр, деп хабарлады Қорғаныс министрлігі.

Далалық лагерьде дайындықтың негізгі кезеңдері аяқталды:

203 тұрғын үй шатыры,

11 шаруашылық тірек пункті,

тұрмыстық қызмет көрсетуге арналған 12 шатыр,

жеті дала монша кешені,

далалық аурухана,

көлік паркі мен жабдықтарды жөндеу-қалпына келтіру пункттері орнатылды.

Парадқа қатысушылардың дені қазірдің өзінде елордаға келіп, барлық бөлімшенің біртұтас күшіне біріктіріліп, қарқынды жаттығуларға кірісті.

Биыл шеруге 24 парадтық есептоп қатысады. Қатысушылардың жалпы саны 4 мыңнан асады, оның 200-ден астамы – әскери қызметші қыз-келіншектер. Механикаландырылған лекте 300-дің үстінде жауынгерлік және арнайы техника бірлігі сап түзеп жүріп өтеді, олардың қатарында тарихи кезеңді көрсететін техника үлгілері де бар. Әуе шеруіне әр түрлі типтегі 66 ұшу аппараты қатысады.

Бөлісу: