Жемқорлардың ақшасына қанша мектеп салынды?

Қаржы министрі Ерұлан Жамаубаев жемқорлардың елге қайтарылған ақшасы қалай жұмсалып жатқанын айтты, деп хабарлайды El.kz ақпарат агенттігі.

Мәжіліс кулуарында БАҚ өкілдері министрден «Жемқорлардан алынған ақшаға қанша мектеп салынды? Қанша қаржы қайтарылды?» деп сұрады.

Біз 150 млрд теңгеден аса қаражат арнайы шотқа түсті. Қателеспесем, одан 62 мектепті салуға қаражат бөлінді. Қазақстанның әрбір аумағынан берілген ұсынысқа сәйкес қаражат бөлінді. Бірақ қаражаттың барлығы бөлінбеді (мектеп салуға – ред.). 90 млрд жуық теңге бөлінді. 60 млрд теңгеге жуық қаражат бар. Қалған ақшаны апатты және үш ауысымды мектептер болса, оларды жөндеуге қатысты өтінім түссе, оны қарастырамыз. Комиссияның шешімімен қаржы бөлінеді, - деп жауап берді қаржы министрі.

Қысқа да нұсқа. Жазылыңыз telegram - ға