Жаздың соңғы күндерінде елімізде ауа райы қандай болады

Синоптиктер жаздың соңғы күндері ауа райы қандай болатынын болжады, деп хабарлайды El.kz ақпарат агенттігі.

Қазақстанның басым бөлігінде ауа-райының тұрақсыз сипаты сақталады, найзағаймен жаңбыр жауады, республиканың солтүстігінде, оңтүстігінде және оңтүстік-шығысында 29 тамызда қатты жаңбыр күтіледі.

Жоғары қысым алқабының енуімен еліміздің  батысында жауын-шашынсыз ауа-райы күтіледі. Қазақстан бойынша жел күшейеді. Елдің солтүстігінде, оңтүстігінде және оңтүстік-шығысында дауыл мен бұршақ жауады. Түнгі және таңертеңгі уақытта солтүстік және шығыс аймақтарда тұман күтіледі.

Сонымен қатар, ауа температурасының біртіндеп жоғарылауы болжанады: күндіз батыс аймақтарда 27-35 градус жылыға дейін; солтүстік-батыс аймақтарда 20-30 градус жылыға дейін; солтүстікте 17-25 градус жылыға дейін; орталықта 18-28 градус  жылыға дейін; елдің шығысында негізгі температураның фоны 18-28 градус жылы, оңтүстік және оңтүстік-шығыс облыстарда ауа температурасының 22-30 градус жылыға дейін төмендеуі күтіледі.

Қысқа да нұсқа. Жазылыңыз telegram - ға