Жамбыл облысында полицейлер қылмыстық топтың жолын кесті
Жамбыл облысында полицейлер қылмыстық топты құрықтау кезіндегі бейнематериалды көрсетті, деп хабарлайды El.kz ақпарат агенттігі.
Жамбыл облысында полицейлер облыс прокуратурасымен бірлесіп, ұзақ уақыт бойғы жедел жұмыстардың нәтижесінде 6 адамнан тұратын қылмыстық топтың жолын кесті. Күдіктілер Жамбыл облысының Шу ауданынан Алматы қаласына және Алматы облысына гашишті жеткізу каналдарын ұйымдастырған. Ұстау және тінту іс-шаралары бір мезетте Алматы қаласында, Алматы облысында, Жамбыл облысының Шу ауданында өткізілді.
Барлық алты күдікті уақытша ұстау изоляторына қамауға алынды. Тінту кезінде 5 келіден астам “гашиш” және 1 келіден астам “марихуана” тәркіленді. Қазіргі уақытта алдын ала сөз байласу арқылу адамдар тобының есірткі заттарын дайындау, сақтау, тасымалдау және өткізу фактісі бойынша сотқа дейінгі тергеу амалдары жүргізілуде.
Қысқа да нұсқа. Жазылыңыз telegram - ға