Жамбыл облысында инвесторлар жүгері дәнін терең өңдеу зауытын салмақ
Жамбыл облысының әкімі Ербол Қарашөкеевпен кездекен отандық бизнес өкілдері ауыл шаруашылығы өнімдерін қайта өңдеу және білім беру саласында инновациялық технологияларды енгізу бойынша инвестициялық жобаларын таныстырды, деп хабарлайды EL.kz ақпарат агенттігі.
«Primus Capital» ЖШС директоры Сапарбек Тұяқбаев өңірде жүгері дәнін терең өңдеу зауытын салуды жоспарлап отырғанын жеткізді. Кәсіпорынның бастапқы қуаты – жылына 160 мың тоннадан асса, кейіннен бұл межені 330 мың тоннаға дейін жеткізу көзделген.
С.Тұяқбаев облыстың географиялық қолайлығы және өңірдегі жоғары өнімділік қысқа мерзімде экспорттық жеткізілімдерді жолға қоюға мүмкіндік беретінін атап өтті.
«Pine Holding» компаниясы мұғалімдердің біліктілігін арттыру, оқу-зертханалық кешендер, робототехника, химия, биология және физика бойынша заманауи пәндік кабинеттер құру қызметтерін көрсетуге бағытталған.
Кездесу соңында жауапты басқармаларға жобаларды жан-жақты зерделеу бойынша тапсырмалар берілді.
Қысқа да нұсқа. Жазылыңыз telegram - ға