Жаңадан құрылған облыстарда 1,5 млн адам тұрады
Орталық коммуникациялар қызметі алаңында өткен брифингте Ұлттық экономика министрі Әлібек Қуантыров Абай, Жетісу, Ұлытау облыстарында 1,5 млн-дай адам тұратынын айтты, деп хабарлайды El.kz
13.06.2022 12:51
1675
Бұл аумақтарды құру 935 мың шаршы км аумақта тұратын шамамен 5 млн тұрғынның өміріне әсер етеді. Оның ішінде ауданы 493 мың шаршы шақырым болатын Абай, Жетісу, Ұлытау жаңа облыстарында шамамен 1,5 млн адам тұрады. Елдің әкімшілік-аумақтық құрылысындағы осы өзгерістер әлеуметтік-экономикалық дамудағы теңгерімсіздікті төмендету және өңірлердің аумақтық байланысын қамтамасыз ету негізіне бағытталған жаңа өңірлік саясаттың басымдықтарына толық сәйкес келеді, - деді министр.
Айтуынша, Семей, Жезқазған және Қонаев қалаларының облыс орталықтары мәртебесін қайтарумен дамуға жаңа серпін алады.
Бүгінде бұл қалаларда инфрақұрылымның тозуына, жолдардың сапасына, көлік жүйесінің жай-күйіне байланысты проблемалар бар. Жаңа мәртебе осы қалаларға инвестициялар ағынын ұлғайтады және аумақтық-әкімшілік бөліністің неғұрлым ұтымды есебінен жергілікті проблемаларды тиімді шешуге мүмкіндік береді, - деп атап өтті Әлібек Қуантыров.
Бөлісу:
Қысқа да нұсқа. Жазылыңыз telegram - ға