Зейнеткерлер енді тұрғын үй мен емге өз жинақтарын пайдалана алады
Фото: ©El.kz/Артем ЧУРСИНОВ
Фото: ©El.kz/Артем ЧУРСИНОВ
29.05.2023 12:15
1503
2023 жылдың 1 шілдесінен бастап еңбек сіңірген жылдары үшін зейнетақы алушы зейнеткерлер тұрғын үй сатып алуға немесе емделуге өз зейнетақы жинақтарын пайдалана алады, деп хабарлайды El.kz ақпарат агенттігі.
Еңбек және халықты әлеуметтік қорғау министрлігінің мәліметінше, биыл 1 шілдеден бастап Әлеуметтік кодекс аясында еңбек сіңірген жылдары бойынша Бірыңғай жинақтаушы зейнетақы қорында зейнетақы жинақтары бар зейнеткерлерге тұрғын үй жағдайларын жақсартуға немесе емделуге ақы төлеуге өздерінің зейнетақы жинақтарының барлық сомасын пайдалануға құқық беріледі.
Осы жылдың 1 шілдесінен бастап еңбек сіңірген жылдары бойынша зейнеткерлер www.enpf-otbasy.kz интернет-платформасы арқылы БЖЗҚ-да жинақталған қаражатын тұрғын үй жағдайларын жақсартуға пайдалану үшін біржолғы зейнетақы төлемдерін алуға «Отбасы банк» тұрғын үй құрылыс жинақ банкі» АҚ немесе екінші деңгейдегі банктерге жүгіне алады.
Емделу мақсатында біржолғы зейнетақы төлемдерін пайдалану үшін жоғарыда көрсетілген интернет-платформа арқылы «Отбасы банк» тұрғын үй құрылыс жинақ банкі» АҚ-ына ғана жүгіну қажет.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Қарағандылық тергеуші джиу-джитсуден әлем чемпионаты атанды
Келесі жаңалық
Қонаевта мұз үстінде сырғанап жүрген екі бала құтқарылды