Зеленский 30 күндік шұғыл бітім жариялауды ұсынды
Украина президенті Ресейдің уақытша оқ атуды тоқтату туралы ұсынысына қатысты пікір білдірді, деп хабарлайды El.kz ақпарат агенттігі.
Бұған дейін Владимир Путин Жеңіс мерейтойына орай бітім жариялайтынын хабарлаған еді – 8 мамыр түнгі 00:00-ден бастап 11 мамыр түнгі 00:00-ге дейін.
Зеленский бұл ұсынысты «манипуляция жасау әрекеті» деп атап, Украина наурыз айында-ақ АҚШ ұсынған толық оқ атуды тоқтату бастамасын қолдағанын еске салды. Оның айтуынша, атысты тоқтату үшін 8 мамырды күтудің қажеті жоқ.
Біз парадтарды емес, адам өмірін бағалаймыз. Бітім дереу, толық және сөзсіз жариялануы керек — ең аз дегенде 30 күнге. Бұл — шынайы дипломатияның негізі, — деді Зеленский.
Бұған дейін Путин 19 сәуір күні сағат 18:00-ден 21 сәуір түнгі 00:00-ге дейін пасхалық бітім жариялаған болатын. Сол кезде де екі тарап бір-бірін келісімді бұзды деп айыптаған еді.
Қысқа да нұсқа. Жазылыңыз telegram - ға