Жаңалықтар

Зарина Нұрғалиева шахматтан жасөспірімдер арасында әлем чемпионы атанды

Қазақстан құрамасы 14, 16 және 18 жасқа дейінгі жас санаттар бойынша бейресми медальдық есепте әлемнің 72 елінің арасында екінші орынға орнықты.

Фото: Қазақстан шахмат федерациясы

Фото: Қазақстан шахмат федерациясы 17.09.2022 01:12 2581

Қазақстанның жас шахматшысы Зарина Нұрғалиева Румынияда өткен 14 жасқа дейінгі қыздар арасындағы Әлем чемпионатында алтын медаль жеңіп алды, деп хабарлайды El.kz.

Бұл туралы Facebook-те Қазақстан шахмат федерациясының вице-президенті Дәрмен Сәдуақасов жазды.

Сондай-ақ чемпионатта Қазақстан атынан Қазыбек Нөгербек 18 жасқа дейінгі санатта күміс медальді, ал Ансат Алдияр 14 жасқа дейінгі санатта қола медальді еншіледі.

Нәтижесінде Қазақстан құрамасы 14, 16 және 18 жасқа дейінгі жас санаттар бойынша бейресми медальдық есепте әлемнің 72 елінің арасында екінші орынға орнықты.

"Балалар мен жасөспірімдер құрамасының жаттықтырушылары Евгений Владимиров пен Антон Филипповты және спортшылардың жеке жаттықтырушыларын тамаша нәтижемен құттықтаймын!, - деп жазды Қазақстан шахмат федерациясының вице-президенті Дәрмен Сәдуақасов.

Бөлісу: