Заңсыз жұмыс істеген өзбекстандықтар елден қуылды
![Заңсыз жұмыс істеген өзбекстандықтар елден қуылды Заңсыз жұмыс істеген өзбекстандықтар елден қуылды](/storage/storage/element/2023/07/26/mainphoto/61150/1200xauto_vvQsRM1Q7zGyq0uwJ77TPJw428biEbwXu9f1vux0.jpg)
Батыс Қазақстан облысында көші-қон заңнамасын бұзған 8 өзбекстандық елден шығарылды, деп хабарлайды Еl.kz ақпарат агенттігі.
БҚО полиция департаменті баспасөз қызметінен түскен мәліметке қарағанда, көші-қон қызметі басқармасы сот шешімін орындау мақсатында ҚР көші-қон заңнамасын бұзғаны үшін әкімшілік жауапкершілікке тартылған Өзбекстанның 7 азаматын мәжбүрлі түрде елден шығарды.
Сонымен қатар, Бөрлі ауданы полиция бөлімі көші-қон қызметі тобының инспекторы, полиция капитаны Сауалат Тұрымов жүргізген жедел іздестіру іс-шарасы барысында бұдан бұрын аудандық сот шешімімен елден шығарылған өзбекстандық азаматтың Ақтау қаласы аумағында жүргенін анықтады. Ол 2022 жылдың тамызынан бері іздестірілген болатын. Көші-қон заңнамасын бұзғандардың бәрі «Тәжен» бақылау-өткізу бекеті арқылы шығарылып, 5 жыл мерзімге Қазақстанға кіруге тыйым салынды, - деп хабарлады ведомстводан.
![Telegram](https://el.kz./static/site/images/tel26.png)