Юлия Путинцева WTA 250 турнирінің финалына шыға алмады
![Юлия Путинцева WTA 250 турнирінің финалына шыға алмады Юлия Путинцева WTA 250 турнирінің финалына шыға алмады](/storage/storage/element/2023/09/22/mainphoto/69521/1200xauto_SHNFymldCwkm6zjV7yma8zPBQ7bmsmmyE2OkDZyE.jpg)
Қазақстанның екінші, әлемнің 81-ракеткасы Юлия Путинцева Гуанжчоу (Қытай) WTA 250 турнирінің финалына шыға алмады, деп хабарлайды El.kz ақпарат агенттігі.
Қазақстандық теннисші жартылай финалда әлемнің 27-інші, жарыстың 1-ракеткасы, Польша өкілі Магда Линетпен бетпе-бет келді.
М.Линетт 6:2, 6:3 есебімен Ю.Путинцеваның жолын кесті. Магда 1 сағат 16 минутқа созылған бәсеке барысында 3 эйс жасап, 6 брейк-пойнттың тең жартысын өз есебіне жазды. Қазақстандық теннисші 3 брейк-пойнтты мүлт жіберді.
М.Линетт финалда дүниежүзілік рейтингте 88-орында тұрған қытайлық Сиюй Ван немесе әлемнің 68-ракеткасы Гретье Минненнің бірімен (жеңгенімен) кездеседі.
Юлия Путинцева аталған додада жартылай финалға дейін жетуінің нәтижесінде қазір WTA Live рейтингісінде 72-орынға көтерілді.
![Telegram](https://el.kz./static/site/images/tel26.png)