Юлия Путинцева Рабатта өтіп жатқан турнирде жеңіске жетті
Фото: Оlympic.kz
Фото: Оlympic.kz
23.05.2023 03:44
951
Қазақстандық теннисші Юлия Путинцева Марокко астанасы Рабатта өтіп жатқан WTA 250 турнирінде жеңіске жетті, деп хабарлайды El.kz ақпарат агенттігі.
Еліміздің екінші, әлемнің 61-ракеткасы жарыстың алғашқы айналымында марокколық Ая Эль-Аунимен бақ сынасты.
Бірінші партияда үш брейк жасаған Юлия Путинцева 6:1 есебімен айқын басымдылық көрсетті. Ол екінші сетте де 3:0 есебімен оқ бойы озық шықты.
Қазақстандық спортшы 1 эйс жасап, 9 брейк-пойнттың бесеуін иеленді. Қарсыласы 2 эйс, 1 брейктен (9 брейк-пойнт) аса алмады.
Айта кетерлігі, доданың жүлде қоры 259 303 АҚШ долларын құрайды. Рабаттағы жарыс 27 мамырға дейін созылады.
Бөлісу:
Қысқа да нұсқа. Жазылыңыз telegram - ға
Келесі жаңалық
Алаяқтықтың жаңа түрі пайда болды