Юлия Путинцева Қытайдағы турнирді сәтті бастады
Фото: Қазақстан теннис федерациясы
Фото: Қазақстан теннис федерациясы
19.09.2023 20:50
516
Қазақстанның екінші, әлемнің 81-ракеткасы Юлия Путинцева Гуанчжоу (Қытай) WTA 250 турнирін жеңіспен бастады, деп хабарлайды El.kz ақпарат агенттігі.
Қазақстандық теннисші турнирдегі алғашқы кездесуін дүниежүзілік рейтингте 123-орында тұрған корт иесі Ю.Сяодимен өткізді.
Тартысты өрбіген бірінші партияда Ю.Путинцева 6:4 есебімен басым түсті.
Екіншісінде тіпті бет қаратқан жоқ – 6:0.
Бір сағат 41 минутқа созылған кездесуде Юлия 11 брейк-пойнттың бесеуін пайдалана білді. Қарсыласы 1 эйс, 1 брейкпен (4 брейк-пойнт) шектелді.
Юлия Путинцева ширек финалға шығу үшін әлемнің 76-ракеткасы, даниялық Клара Таусонмен сынға түседі.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Ақмола полицейлері ас көкнәрінен есірткі жасаған азаматты ұстады
Келесі жаңалық
Түркістанда полицейлер аула сыпырды