Вашингтонда қазақстандық батырлардың 100 жылдығына орай жарыс өтті
![Вашингтонда қазақстандық батырлардың 100 жылдығына орай жарыс өтті Вашингтонда қазақстандық батырлардың 100 жылдығына орай жарыс өтті](/storage/storage/element/2024/05/22/mainphoto/104849/1200xauto_IT0vUgqNViC74ehxR1ORz3BIGoBG92AcNmkWtGrr.jpg)
Америка Құрама Штаттарының астанасында Қазақстан тарихының екі көрнекті тұлғасы, Ұлы Отан соғысының батырлары – Қазақстан Республикасының бірінші Қорғаныс министрі Сағадат Нұрмағамбетов пен Рейхстаг ғимаратында Жеңіс туын көтерген бірінші офицер, лейтенант Рахымжан Қошқарбаевтың 100 жылдығына орай жарыс өтті, деп хабарлайды El.kz ақпарат агенттігі.
Іс-шараны Қазақстан Республикасының Америка Құрама Штаттарындағы Елшілігі отандас батырларға құрмет көрсету ретінде ұйымдастырды. Жарысқа Елшілік қызметкерлерінің отбасы мүшелері, АҚШ-тағы қазақ диаспорасының өкілдері, сондай-ақ «Болашақ» бағдарламасының стипендиаттары қатысты.
Қатысушылар осы атаулы мерейтойдың құрметіне «100 жыл» деген жазуды сызатын маршрут бойынша 5 км қашықтықты жүгіріп өтті.
Іс-шара батылдық істерге деген ризашылықтың белгісі ғана емес, сонымен қатар Америка Құрама Штаттарындағы Қазақстан халқының ынтымақтастығы мен бірлігінің символына айналды.
![Telegram](https://el.kz./static/site/images/tel26.png)