Ұшақ апаты: Грозный тұрғыны інісінің тірі екенін әлеуметтік желідегі видеодан көрген
Ақтауда апатқа ұшыраған ұшақ жолаушыларының бірінің ағасы Икбал Байрамов әлеуметтік желідегі видеолардан апат болған жерден өзінің немере інісін көріп қалғанын айтты, деп хабарлайды El.kz ақпарат агенттігі.
РИА Новости мәліметінше, қазір ер адам борт қонуы тиіс болған Грозный әуежайында. Немере інісі оның үйіне алғаш рет қонаққа келе жатыр екен. Икбал Байрамовтың сөзінше, 21 жастағы жігіт таңертең хабарласып, ұшуға дайын екендігін айтқан.
Маған сурет, видео жіберді – ол тірі екен, сап-сау, өз аяғымен жүр. Ол қара түсті киімде, - деді ол.
Икбал Байрамов қазір не істеу керектігін де білмей отырғанын тілге тиек еткен.
Қайда бару керек, кімнен сұрау керектігін білмеймін. Қазақстанға баруым керек пе? Кіммен кездесемін? Ештеңе білмеймін, - деп қосты ол.
Айта кетейік, бүгін Бакуден Грозныйға ұшып бара жатқан Azerbaijan Airlines ұшағы Ақтау маңында апатқа ұшырады.
Қысқа да нұсқа. Жазылыңыз telegram - ға