"Үш отбасын асырап отыр": Саят Медеуов өзі туралы қауесетке жауап берді
Әнші Саят Медеуов желіде жеке өміріне қатысты тараған қауесетке пікір білдірді, деп хабарлайды El.kz ақпарат агенттігі.
Nege.kz тілшісі әнші Саят Медеуовтен "Сізді "үш отбасын бірдей шашауын шығармай, асырап отырған азамат" деп естиміз. Осы рас па?", - деп сұрады.
Әркімнің жеке өмірі бар. Керек десеңіз, қазақ тіпті баласының санын да айтпаған. Сондықтан жеке өміріме, отбасыма қатысты сауалдарға жауап бергім келмейді, - деді әнші.
Өнер иесі әйелін де көпшілікке көрсеткісі келмегенін, алайда, туған күніндегі суреттің желіге тарап кеткенін айтты.
Отбасымды, жарымды жарнамалайын деген ой болмады. Әріптестерім туған күн кешінде бірлесе суретке түсіп, әлеуметтік желіге салған соң тарап кеткен ғой, - деді әнші.
Айта кетейік, әнші Саят Медеуов халық алдына алғаш рет әйелімен шыққанын жазған едік.
Қысқа да нұсқа. Жазылыңыз telegram - ға