Ұлытаудан басқа өңірде көктемгі егін жұмыстары аяқталды
Елімізде бір өңірден басқа аймақтарда көктемгі егін жұмыстары аяқталды, деп хабарлайды El.kz ақпарат агенттігі.
Ауыл шаруашылығы министрлігі Ұлытау облысында жауын-шашынның көп байланысты науқан созылып кеткенін алға тартты. Жоспарға сәйкес, жұмыс аптаның соңында аяқталуы тиіс.
Ауыл шаруашылығы министрі Ербол Қарашөкеев көктемгі егіс жұмыстарының алдын ала қорытындылары туралы айтты. Әкімдіктердің деректері бойынша жалпы егіс алқабы 23,4 млн гектарды құрады, бұл өткен жылғы деңгейден 68,6 мың гектарға артық.
АШМ басшысы жекелеген егістік түрлеріне тоқталды. Атап айтқанда, дәнді дақылдар 15,6 млн гектарға, майлы дақылдар 3,3 млн гектардан аз алқапқа егілді. Картоп алқабы ұлғайып, 197,5 мың гектарға жетті. Ал қант қызылшасының алқабы 19 мың гектарға жеткізілді, бұл 2022 жылғы деңгейден 7,4 мың гектарға көп.
Егіс науқаны кезінде тұқым материалын, арнайы техниканы және ЖЖМ қамтамасыз етуде мәселелер байқалмады, - деп атап өтті министр.
Қазіргі уақытта министрлік Энергетика министрлігіне жіберілетін егін жинау науқанын жүргізу үшін арзандатылған дизель отынына жалпы өтінім қалыптастырып жатыр. Gosagro.kz порталында фермерлер 368,2 мың тонна отынға 28,5 мыңнан астам өтінім берді.
Биыл шамамен 704 мың тонна тыңайтқыш енгізу көзделіп отыр. Осы бағыт бойынша субсидияларды алуда барлық проблемалық мәселелер шешілді, төлем өңірлерді қаржыландыру жоспарына сәйкес жүзеге асырылады, - деп атап өтті Ербол Қарашөкеев.
Бүгінге дейін фермерлерге 464,7 мың тоннадан астам тыңайтқыш жөнелтілген.
Қысқа да нұсқа. Жазылыңыз telegram - ға