Жаңалықтар

Ұлттық ұлан сапында қанша қыз-келіншек еңбек етеді

Фото: ҚР ІІМ Ұлттық ұланның баспасөз қызметі

Фото: ҚР ІІМ Ұлттық ұланның баспасөз қызметі 09.03.2025 06:34 289

Ұлттық ұланда 1500-ге жуық әйел әскери қызмет атқарып жүр, деп хабарлайды El.kz ақпарат агенттігі.

Ұлттық ұланның баспасөз қызметінің мәліметінше, олардың ішінде 240-тан астамы қаржылық қамтамасыз ету саласында қызмет етеді.

Сондай-ақ, тағы 50-і байланыс қызметінде, 80-і маңызды мемлекеттік нысандардың қауіпсіздігін қамтамасыз етуге жұмылдырылған, 50 әйел авиацияда қызмет атқарса, 53-і барлық әскери қызметшінің моральдық-психологиялық жағдайын бақылап отыр.

Халықаралық әйелдер күні қарсаңында Ұлттық ұланның Бас қолбасшылық штабы 8 наурыз – Халықаралық әйелдер күніне арналған салтанатты іс-шара ұйымдастырған.

Жылдағы дәстүр бойынша мереке күні әйел-әскери қызметшілер, ардагерлер мен өзара қарым-қатынастағы органдардың өкілдері Ішкі істер министрі мен министрдің орынбасары – Ұлттық ұланның Бас қолбасшысының атынан құрметке бөленді.

Бөлісу: