Ұлттық ұлан 2025 жылға дейін бес әскери тасымалдаушы ұшақ сатып алады
Ішкі істер министрінің орынбасары – Ұлттық ұланының бас қолбасшысы Еркін Ботақановтың айтуынша, биыл елімізге жаңа әскери тасымалдаушы ұшақ әкелінеді. Бұл туралы ҚазАқпаратқа сілтеме жасай отырып El.kz ақпараттық агенттігі хабарлайды.
Бұл туралы Ұлттық ұланның бас қолбасшысы Бүкілармиялық кеңес отырысында мәлім етті.
Ұлттық ұланды дамытудың 2021-2027 жылға арналған кешенді ұлттық жопары бекітілді. Әскердің жеке құрамын даярлау, оқыту және тәрбиелеу жөніндегі басқару құжаттары ұлттық қауіпсіздікке төнетін жаңа қатерлер мен қауіптерді ескере отырып қайта өңделді. Саны мыңнан астам арнайы мақсаттағы жаңа құрылымдар қалыптастырылды, - деді Еркін Ботақанов.
Сондай-ақ, ол, Павлодар, Талдықорған және Жаңаөзен қалаларында жедел мақсаттағы жеке батальондар құрылып, қайта жасақталғанын еске салды.
Бұл істе облыстар мен қалалардың әкімдері практикалық көмек көрсетіп жатыр. Әскердің жедел әрекеті үшін 2025 жылдың аяғына дейін 5 жаңа әскери тасымал ұшағы сатып алынады. Оның біреуі биыл емрзімінен бұрын елге жеткізіледі, - деді Ұлттық ұланның бас қолбасшысы.
Қысқа да нұсқа. Жазылыңыз telegram - ға