Украина Олимпиадада алғашқы алтын медаліне қол жеткізді
Фото: Украина ҰОК/Виталий Клюев
Фото: Украина ҰОК/Виталий Клюев
04.08.2024 08:28
687
Саблямен семсерлесуден Украинаның әйелдер құрамасы Париждегі Олимпиада ойындарында алғашқы алтын медальге қол жеткізді, деп хабарлайды El.kz ақпарат агенттігі.
Әйелдер арасындағы командалық сайыстың финалында Украина құрамасы Оңтүстік Корея спортшыларын 45:42 есебімен жеңіп, жеңімпаз атанды. Бұған дейін украиналық бойжеткендер Италия (45:37) және Жапония (45:32) спортшыларынан басым түскен. Украина сапында Ольга Харлан, Юлия Бакастова, Алина Комащук және Елена Кравацкая өнер көрсетті.
Осылайша,Украина Олимпиада-2024-те үш медаль еншіледі – бір алтын, бір күміс және бір қола. Сонымен қатар Ольга Харлан саблямен семсерлесуден жекелей сында қола жүлдегер атанған. Ал күміс жүлдені мерген Сергей Кулиш қоржынға салды.
Бөлісу:
Қысқа да нұсқа. Жазылыңыз telegram - ға