Угандада мектепке шабуыл жасалып, 41 адам қайтыс болды
Фото: ©AP/Hajarah NALWADDA
Фото: ©AP/Hajarah NALWADDA
18.06.2023 22:54
721
Угандада көтерілісшілер орта мектепке шабуыл жасап, 41 адам қаза тапты, деп хабарлайды El.kz ақпарат агенттігі.
Euronews таратқан ақпаратқа сүйенсек, оның 38-і студент болған.
Уганда билігі Конго шекарасына жақын жердегі Мпондве қаласындағы орта мектепте бүлікшілердің шабуылынан қаза тапқан 41 адамның мәйітін тапты.
Жергілікті биліктің хабарлауынша, шабуылдаушылар жатақхананы өртегеннен кейін адамдарға оқ атылған, сойылмен ұрып өлтірген немесе өртеп жіберген.
Қаза тапқандардың арасында 38 мектеп оқушысы, бір күзетші және екі жергілікті тұрғын бар. Тағы сегіз адам жараланып, алтауын ұрлап әкеткен.
Уганда әскерилері ұрланған студенттерді құтқару үшін Конгоға қашып үлгерген қылмыскерлерді қолға түсіруге тырысып жатқанын мәлімдеді.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Биыл Астанада 300 көше жөнделеді
Келесі жаңалық
Алматылықтар үшін тауық етінің бағасы тұрақты болады