ТЖМ құтқарушылары Солтүстік Қазақстанда қар құрсауында қалған жүргізушіні құтқарды
Фото: Бейнежазбадан скриншот
Фото: Бейнежазбадан скриншот
10.01.2025 08:31
142
ТЖМ қызметкерлері Солтүстік Қазақстанда қар құрсауында қалған жүргізушіні құтқарды, деп хабарлайды El.kz ақпарат агенттігі.
Солтүстік Қазақстан облысының Ғ.Мүсірепов ауданында Чистополье және Салқынкөл ауылдарының арасында жеңіл автокөлік қар құрсауында қалып қойды. 1989 жылы туған жүргізуші 112 нөміріне хабарласып, көмек сұраған.
Құтқарушылар жергілікті атқарушы органдармен бірге жоғары өтімді техникамен оқиға орнына жедел жетіп, автокөлікті тазартылған жол учаскесіне сүйреп шығарды. Жүргізушіге медициналық көмек қажет болған жоқ.
Төтенше жағдайлар министрлігі азаматтарға дауылды ескертулерге назар аударып, ауа райы нашарлаған жағдайда алыс жолға шықпауға кеңес береді.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Қарағандыда қала ішінде жаңа алма бағы пайда болады