Түйінді шешуге бір қадам қалды: Қымбат Досжан көпшіліктен көмек сұрады
Биологиялық ата-анасын іздеп, Қазақстанға келген бельгиялық қазақ Жәнібекке көмектесіп жүрген жүргізуші Қымбат Досжан көпшіліктен көмек сұрады, деп хабарлайды El.kz ақпарат агенттігі.
Достар, араларыңызда Ш. Уалиханов атындағы Көкшетау университетінде 2001-2002 жылдары оқыған студент қыздар бар ма? Маған жазыңыздаршы, - деп жазды ол Instagram парақшасында.
Айта кетейік, үш апталық зерттеу жұмысынан қазір үш келіншекке күдік басым екенін жазған еді. «Бармысың, бауырым?» хабарының редакторы Әсел Асқарқызы сол үш келіншектің бірін ДНК тест жасайтын лабораторияға ертіп барған. Нәтижесі әлі белгісіз.
Жәнібек 20 желтоқсанда Астанадан Испанияға ұшып кетуі тиіс еді, алайда, бала әлі де анасын таба алмағандықтан елде қалуды құп көрген.
Оның анасы жедел жәрдеммен Арқалық перзентханасына 2002 жылы 17 қаңтарда түскен, сол күні таңғы сағат 8:45-те Жәнібек дүниеге келеді.
Қысқа да нұсқа. Жазылыңыз telegram - ға