Жаңалықтар

Түркияның бүкіл аумағында мемлекеттік тулар жартылай түсірілді

Елде жеті күнге жалғасатын жалпыұлттық аза тұту басталды

Фото: Anadolu Agency

Фото: Anadolu Agency 07.02.2023 03:44 1389

Түркияда бүкіл ел аумағында мемлекеттік тулар жартылай түсірілді, деп хабарлайды El.kz Anadolu агенттігіне сілтеме жасап.

Бұл елде жарияланған жалпыұлттық аза тұту күндерінің басталғанын білдіреді.

Түркия басшысы елдің оңтүстік-шығысында орын алған жер сілкінісіне байланысты жеті күндік жалпыұлттық аза тұту жариялаған болатын. Мемлекеттік тулар бүкіл Түркия аумағы мен елдің шетелдегі өкілдіктерінде жексенбі, 12 ақпан күні күн батқанша жартылай түсіріледі.

Түркияның оңтүстік-шығысында кеше жеті балдан асатын екі жойқын жер сілкінісі болды. Қаза тапқандар мен жарақат алғандар саны уақыт өткен сайын көбеюде. Соңғы мәліметтерге сәйкес, зілзала құрбандарының саны 2,3 мыңнан асты.

Бөлісу: