Түркиядағы зілзаладан қаза тапқандар саны 44 мыңнан асты
Елдегі іздеу-құтқару жұмыстары аяқталған
Түркиядағы жер сілкінісінен қаза тапқандар саны 44,37 мыңнан асты, деп хабарлайды El.kz Anadolu агенттігіне сілтеме жасап.
Бұл туралы Түркия үкіметі жанындағы табиғи апаттар және төтенше жағдайлармен күрес басқармасы (AFAD) басшысы Юнус Сезер мәлім етті.
Оның айтуынша, қираған 21 мың ғимаратта іздеу-құтқару жұмыстары аяқталған.
Қазір біз толықтай үйінділерді тазартумен айналысып жатырмыз, - деді Юнус Сезер.
Басқарма басшысы қазіргі уақытта табиғи апат салдарын жоюға 230 мыңнан астам мемлекеттік қызметкер жұмылдырылды деп отыр.
Еске салайық, 6 ақпанда Түркияда жойқын жер сілкінісі болғаны белгілі. Зілзаладан соң 4 мыңнан астам афтершок тіркелді.
Сонымен қатар Түркияның орталық аймағында магнитудасы 4,3 балды құраған жер сілкінісі орын алған болатын.
Қысқа да нұсқа. Жазылыңыз telegram - ға