Түркістанда жарты тонна палау тегін таратылды
Түркі халықтарының арасында кеңінен таралған ас фестиваль кезінде дайындалған
Фото: otyrar.kz
Фото: otyrar.kz
13.12.2022 04:10
1122
Түркістанда 500 келі палау тегін таратылды, деп хабарлайды El.kz ҚазАқпарат-қа сілтеме жасап.
Түркістан қаласындағы экобазарда палаушылар фестивалі өткен. Онда әр бірінде 50 келіден 10 қазан палау дайындалып, халыққа тегін таратылды. Палау басқан аспаздар өзара мықтыны анықтады.
Экобазар басшылығы ұйымдастырған іс шараға өзге де кәсіпкерлер қолдау көрсеткен. Ал аспаздар ішінде шет елден келгендері де болды.
Сайыс қорытындысында түркістандықтар бірінші орынды жеңіп алып, 500 келі күріш пен 20 литр күнбағыс майына ие болды. Ал екінші орын Өзбекстаннан келген аспаздарға бұйырды. Оларға 250 келі күріш пен 10 литр күнбағыс майы берілді. Үшінші орынды Шымкент палаушылары иеленіп, 100 келі күріш пен 5 литр күнбағыс майын иеленді.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
«Тәуелсіздік ұрпақтары» грантының жеңімпаздары анықталды
Келесі жаңалық
Домбыраның құрметіне орнатылған 10 ескерткіш