Жаңалықтар

Түркістанда полиция жолда қалған 60 көлікке көмек көрсетті

Фото: Polisia.kz

Фото: Polisia.kz 02.01.2025 09:41 380

Түркістан облысында полиция боранды күні таулы аумақта жолда қалған 60 көлікке көмек көрсетті, деп хабарлайды El.kz ақпарат агенттігі.

Созақ ауданы Екпінді-Бірлік тас жолында жол жиегіне шығып кеткен DAF маркалы ауыр жүк көліктерін полиция қызметкерлері қауіпсіз орынға шығаруға көмектесті.

Түркістан облысының полициясы жалпы 23 жеңіл көлік пен 37 жүк көлігіне көмектесті. Кейбірінде сақшылар ұзақ жолдан келе жатқан ауыр жүк көліктерінің жүргізушілеріне ыстық шәй мен тағам жеткізіп берді.

Азаматтар полиция қызметкерлеріне шынайы алғыстарын білдірді.

Бөлісу: