Түркістанда ауыл тұрғыны үйінен цех ашып, кәсібін дөңгелетіп отыр
Түркістан облысы Келес ауданына қарасты Ұшқын ауылының тұрғыны Гүлзахира Жолдасова үйінің бір бөлмесін шағын цехқа айналдырып, тәулігіне 450 жұп шұлық шығарып отыр, деп хабарлайды El.kz ақпарат агенттігі.
Ауыл тұрғыны өнімдерін “NurTextile” атымен ауылдың өз брендіне айналдырып үлгерген.
Ол бұл кәсіпке жолдасы Өзбекстанға барып, арнайы оқып келгеннен кейін бет бұрған. Қазір шұлықтар аудан орталығындағы дүкендер мен базарларға жөнелтілуде. Шұлықтың бір данасы 250 теңгеден сатылып жатыр.
Алғашқыда аздап қорқыныш болды. Бірақ тәуекел еттік. Қазір күн сайын тапсырыс қабылдаймыз. Жабдықтарды да өз қаражатымызға алдық. Шұлықтар сапалы әрі сұранысқа сай. Бұл шағын өндіріс – табыс көзі ғана емес, ауыл тұрғындарын жұмыспен қамтудың бір жолы. Егер мемлекет тарапынан нақты қолдау көрсетілсе, өндірісті кеңейтіп, жұмысшылар санын арттыруға мүмкіндік туар еді,- дейді кәсіпкер.
Қысқа да нұсқа. Жазылыңыз telegram - ға