Түркістан облысында тұрғындардан төрт келіден астам есірткі тәркіленді
Түркістан облысында полицейлер тұрғындардан 4 келіден астам есірткі тәркіледі, деп хабарлайды El.kz ақпарат агенттігі.
Түркістан облысы ПД есірткі қылмысына қарсы іс-қимыл басқармасының қызметкерлері жедел-іздестіру іс-шараларын жүргізу кезінде есірткі заттарын сақтаудың екі фактісін анықтап, 4 келіден астам марихуана тәркіледі. Мәселен, полиция қызметкерлері Сарыағаш ауданында Audi автокөлігінің жүргізушісін ұстады.
Тексеру кезінде көліктің салонынан есірткі заты бар 3 полиэтилен пакетін тапты. Алынған заттың жалпы салмағы 3 келіден астам марихуана болып шықты. Сондай-ақ жедел уәкілдер Сайрам ауданы тұрғынының үйін тінту кезінде өсімдік тектес есірткі заты бар 4 полиэтилен орамасын тәркіледі.
Алынған есірткінің салмағы шамамен 1 келі марихуана екені расталды. Қазіргі уақытта есірткі заттарын заңсыз сақтау фактілері бойынша сотқа дейінгі тергеу амалдары жалғасуда. Күдіктілер полицияға жеткізілді. Барлық мән-жай анықталады.
Қысқа да нұсқа. Жазылыңыз telegram - ға