Түркістан облысында мешіттен кілем ұрлаған әйел ұсталды
Фото: © Pixabay.com
Фото: © Pixabay.com
23.02.2024 17:01
2090
Түркістанда мешіттің кілемдерін ұрлаған күдікті анықталды, деп хабарлайды EL.kz ақпарат агенттігі.
Сарыағаш аудандық полиция бөлімінің қызметкерлері жедел-іздестіру іс-шаралары кезінде мешітте ұрлық жасады деген күдікпен 51 жастағы жергілікті тұрғынды ұстады.
Күдікке ілінген әйел түнгі сағат 01:00 шамасында мешіттердің біріне барып, төсеулі тұрған екі бірдей кілемді ұрлап кеткен. Тәртіп сақшылары күдікті әйелден ұрланған айғақ заттарды тәркілеген.
Қазір полицейлер әйелдің осыған ұқсас қылмыстарға қатысы бар-жоғын тексеріп жатыр.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Алматыда тағы да жер сілкінді