Туристік фирма директоры қазақстандықтарды 24 млн теңгеге алдаған
Туристік қызмет көрсету, қаладағы кеңсе және клиенттік база бойынша тәжірибесі бар қарағандылық осы бағытта қызмет көрсететін ЖШС құрып, 2022 жылдың желтоқсанынан 2023 жылдың тамызына дейін ол 21 клиентті алдаған, деп хабарлайды El.kz ақпарат агенттігі.
Жоғарғы сот мәліметінше, ол клиенттеріне жақын және алыс шетелдерге сапарға шығуға жалған жолдама сатып, 24 млн теңгені жымқырған.
2023 жылдың 4-10 тамызы аралығында отбасымен Түркияға демалуға ұшу туралы шешім қабылдаған Астана тұрғыны ЖШС шотына 2,5 млн теңге салып, 5 адамға жолдама алған. Өзінің отбасының астаналық әуежайдан және Түркиядағы қонақүйлерден ұшатын рейстері тіркелмегенін және броньдалмағанын білген ол Қарағандыға барған, ол жерде ЖШС директоры кездескен мәселелерін айтып, ақшаны қайтаруға уәде берген, бірақ тек 380 мың теңгесін қайтарған, - делінген мәліметте.
ЖШС-нен оның пайдасына 2,2 млн теңге өндіру туралы бекітілген медиациялық келісімге қарамастан, оған қатысты азаматтық талап қоюды толық көлемде қанағаттандыруды талап еткен.
Сотталушының алаяқтық бойынша кінәсі қылмыстық іс материалдарымен, жәбірленушілердің, куәлардың айғақтарымен, ақша аударылғаны туралы мәліметтермен, туроператорлардың жауаптарымен дәлелденді.
Прокурор сотталушыны 6 жылға бас бостандығынан, 5 жылға белгілі бір қызметпен айналысу құқығынан айыруды сұрады. Жәбірленушілер қатаң жаза қолдануды және талап қоюларын қанағаттандыруды талап етті. Сотталушы келтірілген азаматтық талаптарды толық мойындап, кінәсін мойындамай, ақтауды сұрады, - деп қосты Жоғарғы сот.
Қылмыстық кодекстің 190-бабының 3-бөлігінің санкциясында – мүлкі тәркіленіп, белгілі бір лауазымдарды атқару немесе белгілі бір қызметпен айналысу құқығынан 6 жылға дейінгі мерзімге айыра отырып немесе онсыз 3 жылдан 7 жылға дейін шектеу немесе бас бостандығынан айыру жазасы қарастырылған.
Қарағанды қаласы, Қазыбекби аудандық соты алаяқтық жасады деп айыпталған сотталушыға қатысты қылмыстық істі қарап (ҚК-нің 190-бабының 3-бөлігі, 3,4-тармақтары), асырауында қарт ата-анасының болуын және бұрын соттылығының жоқтығын мойындады, ауырлататын мән-жайлар анықталмаған.
Сотталушы 4 жыл 6 айға бас бостандығынан, 3 жылға туристік қызметпен айналысу құқығынан айырылды.
Жәбірленушілердің азаматтық талап қоюлары қанағаттандырылды.
Соттың үкімі заңды күшіне енген жоқ.
Қысқа да нұсқа. Жазылыңыз telegram - ға