Трамп 90 күн ішінде 90 сауда келісімін жасауды жоспарлап отыр

АҚШ президенті Дональд Трамптың әкімшілігі 90 күн ішінде 90 сауда келісімін жасауды көздеп отыр, деп хабарлайды El.kz ақпарат агенттігі.

Бұл мерзім – 75-тен астам елге қатысты жаңа жоғары баж салықтарының енгізілуін кейінге қалдыру үшін белгіленген уақыт, дейді Трамптың сауда жөніндегі кеңесшісі Питер Наварро.

Оның айтуынша, бұл міндетті АҚШ қаржы министрі Скотт Бессент, сауда өкілі Джеймисон Грир және сауда министрі Говард Лютник атқара алады. Сонымен қатар, Наварро Трамптың "негізгі келіссөз жүргізуші" болатынын айтып:

Оның мұқият тексеруінсіз ештеңе жүзеге аспайды, – деді.

Еуроодақтың сауда жөніндегі комиссары Марош Шефчович 14 сәуірде Вашингтонға келіп, тарифтер мәселесі бойынша келіссөздер жүргізбек. Алайда Reuters хабарлауынша, дәл сол күні АҚШ қаржы министрі Бессент Буэнос-Айресте болады – ол Аргентинадағы экономикалық реформаларға қолдау білдіру үшін сапарға шығады.

Оның Шефчовичпен кездесуге қатыспайтыны туралы ақпарат сауда саласының сарапшылары арасында АҚШ әкімшілігінің бір уақытта осынша көп келіссөздерді тиімді жүргізе ала ма деген күмәнді күшейтті, деп жазады агенттік.

Қысқа да нұсқа. Жазылыңыз telegram - ға