Төтенше жағдайлар министрі БҚО-ның су тасқынына дайындығын тексерді
Төтенше жағдайлар министрі генерал-майор Шыңғыс Әрінов Батыс Қазақстан облысындағы жұмыс сапарын аяқтап, өңірдің көктемгі су тасқынына дайындығын тексерді, деп хабарлайды El.kz ақпарат агенттігі.
ТЖМ мәліметінше, инспекцияның екінші күні аясында ведомство басшысы Бөрлі ауданына барып, су тасқыны қаупі бар учаскелерді, салынған бөгендердің ұзындығы мен беріктігін, сондай-ақ тез салынатын бастиондарды қарап шықты.
Су тасқыны кезеңінің салдарын болдырмау үшін монтаждау-құрылыс іс-шараларын қоса алғанда, бірқатар күрделі және ауқымды жұмыстар жүргізілді. Су тасқынына қарсы барлық шаралар уақтылы және толық көлемде жүзеге асырылуы маңызды, - деп Шыңғыс Әрінов атап өтті.
Министр жергілікті қызметтерге қауіпті аймақтарға ерекше назар аудара отырып, су тасқынына дайындықты жедел аяқтауды тапсырды.
Қысқа да нұсқа. Жазылыңыз telegram - ға