Тоқаев: Астана халықаралық форумы – бұл диалог алаңы

Мемлекет басшысы Қасым-Жомарт Тоқаев Астана халықаралық форумының негізгі миссиясына тоқталды, деп хабарлайды El.kz ақпарат агенттігі.

Астана халықарлық форумы – бұл диалог алаңы. Оның негізгі миссиясы мынадай:

Бірінші, әлемдегі жағдайды ашық талқылау;

Екінші, алдымызда тұрған негізгі сын-қатерлер мен дағдарысты айқындау;

Үшінші, осы сын-қатерлерге өзара ынтымақтастық рухында диалог арқылы қарсы тұру;

Төртінші, көпжақты қатынастардың ортақ мәдениетін жаңарту және қалпына келтіру;

Бесінші, бейбітшілікті, прогресс пен ынтымақты жақтайтын дауыстарды күшейту, - деді Мемлекет басшысы.

Қасым-Жомарт Тоқаев бұл форум өзара белсенді ынтымақтастыққа тікелей ықпал ететінін айтты.

Әсіресе бұрын-соңды болмаған геосаяси шиеленіс кезеңінде бізге мұндай қарым-қатынастар өте қажет. Сын-қатерлерге төтеп беру маңызды. Осы ретте жаһандық жүйе бейбітшілік пен өркендеуді таңдаулылар үшін емес, көпшілік үшін қамтамасыз ете отырып жұмыс істеуі тиіс, - деді Президент.

Қысқа да нұсқа. Жазылыңыз telegram - ға