Теннистен жасөспірімдер құрамасы әлем чемпионатының іріктеуіне қатысып жатыр

Кучингте (Малайзия) World Junior Tennis Competition 14& under Азия — Тынық мұхит аймағы бойынша іріктеу турнирінің матчтары басталды, деп хабарлайды El.kz ақпарат агенттігі.

Жеребе қорытындысына сәйкес 14 жасқа дейінгілер арасында Қазақстан қыздар құрамасы В тобына түсті.

Онда Иран, Малайзия және Индонезия командаларымен ойнайды. 

Аталмыш бәсекеде Қазақстан намысын мына спортшылар қорғап жатыр: Найля Баймахан, ⁠Екатерина Кирюшенко және Медина Өтепберген. Команда капитаны — Марат Шәріпов.

Қазақстан құрамасы бүгін алғашқы матчында Индонезияға 1:2 есебімен жол берді. 

Медина Өтепберген Путри Хансадан 5:7, 1:6 есебімен ұтылса, Найля Баймахан Курниаван Эмелиден басым түсті — 2:6, 6:2, 6:2. 

Шешуші, жұптық сында Баймахан — Кирюшенко/Путри — Эмелиден айласын асыра алмады — 2:6, 6:7 (2:7).

Әлем чемпионатының іріктеу кезеңіне барлығы 16 команда қатысуда. Олар төрт топқа бөлінген. Плей-офф бәсекесіне әр топтан екі құрамадан шығып, командалық әлем чемпионатының жолдамасын сарапқа салады. 

Қысқа да нұсқа. Жазылыңыз telegram - ға