Теннис: Денис Евсеев Испаниядағы турнирде топ жарды
![Теннис: Денис Евсеев Испаниядағы турнирде топ жарды Теннис: Денис Евсеев Испаниядағы турнирде топ жарды](/storage/storage/element/2023/11/24/mainphoto/78154/1200xauto_eIdpDSRUFxzUC1FZ5hdwcKhf46T3bO7QNgtk3iBZ.jpg)
Фото: Қазақстан теннис федерациясы
Фото: Қазақстан теннис федерациясы
24.11.2023 21:57
931
Әлемнің 226-ракеткасы Денис Евсеев Валенсия (Испания) челленджер турнирінің жартылай финалына шықты, деп хабарлайды El.kz ақпарат агенттігі.
Қазақстандық теннисші ширек финалда дүниежүзілік рейтингте 514-орында тұрған испаниялық Мартин Ландалусемен шеберлік байқасты.
Тартысты өткен бәсекеде Д.Евсеев 7:6 (8:6), 7:6 (7:2) есебімен жеңіске жетті. Екі сағат 13 минутқа созылған матч барысында ол 3 эйс жасап, 7 брейк-пойнттың төртеуін пайдаланды. Қарсыласы 3 эйс, 4 брейкпен (9 брейк-пойнт) көзге түсті.
Денис Евсеев финалға шығу үшін әлемнің 62-інші, жарыстың 1-ракеткасы, испаниялық Роберто Баутиста-Агут немесе оның отандасы, рейтингте 249-сатыдағы Алехандро Моро Каниастың біреуімен таласады.
Бөлісу:
![Telegram](https://el.kz./static/site/images/tel26.png)
Келесі жаңалық
Домбыраның құрметіне орнатылған 10 ескерткіш