Тасқынға дайындық: қыркүйектің соңында Бұқтырмадан су жіберіле бастайды
Су тасқыны кезеңіне дайындық аясында қыркүйектің соңынан бастап еріген қар суын қабылдауға орын босату үшін Ертіс өзені бойындағы Бұқтырма су қоймасынан су жіберіле бастайды, деп хабарлайды El.kz ақпарат агенттігі.
Павлодар облысы бойынша «Қазсушар» филиалының директоры Төлеген Құлжанов Өңірлік коммуникациялар қызметінің алаңында мәлімдеді. Оның сөзінше, Павлодар облысының Май ауданындағы Бесбай алабын күрделі жөндеу жоспарланып отыр.
Нысанның ауданы – 14,6 мың га. 38 гидротехникалық және 6 су өткізу құрылысы жөнделеді. Бұл жұмыстарды 2025 жылы аяқтауға ниеттіміз. Күрделі жөндеу өңірдің барлық сағаларын сумен қамтамасыз етіп қана қоймай, тіршілік нәрін тиімді пайдалануға мүмкіндік береді, деді филиал директоры.
Сонымен қатар, ауызсумен жабдықтау сапасын жақсарту үшін 2030 жылға қарай Май топтық су құбырын Майтүбек ауылының маңында салынатын екінші сорғы станциясына қосу жоспарланған.
Қысқа да нұсқа. Жазылыңыз telegram - ға