Тараздағы жарылыстың себебі анықталды
![Тараздағы жарылыстың себебі анықталды Тараздағы жарылыстың себебі анықталды](/storage/storage/element/2024/06/23/mainphoto/109274/1200xauto_Bxf750VxAgnUWsR01JZEWajot9cKL99kNtJlZwXL.png)
Тараз қалалық әкімдігі Қарасу шағын ауданындағы жарылыстың себебін атады, деп хабарлайды El.kz ақпарат агенттігі.
Әкімдік мәліметінше, бастапқыда айтылғандай газ құбыры жарылмаған.
Тараз қаласы «Самал» мөлтек ауданында орналасқан 110/6 кВ-тық «Рысбек» подстанциясындағы 414 ұяшықтан шығып №10 тарату пунктіне баратын жоғары кернеулі жер асты кабелі істен шыққаны анықталды. Авариялық өшу кезінде ұяшық автоматты түрде өшіп, жер асты кабелі электр қуатынан ажыратылған. Бұл 110/6 кВ-тық электр кабелі болған жерден өтеді. Сағат 22:47-де жарықсыз қалған 10 мөлтек ауданда резервті желілермен электр қуаты қалпына келтірілді, - делінген мәліметте.
Апаттық жағдай болған жер асты кабелі тоқтан ажыратылып, қауіпсіз жағдайға келтірілді. Жөндеу жұмыстары жалғасуда.
![Telegram](https://el.kz./static/site/images/tel26.png)