Жаңалықтар

Танымал бүркішті қыз Айшолпан Қазақстанға қоныс аударды

Фото: © El.kz

Фото: © El.kz 28.01.2024 15:49 891

Әлемге әйгілі бүркітші, отандасымыз Айшолпанның отбасы елге көшіп келді. Бұл туралы Kazinform-ға сілтеме жасай отырып El.kz ақпарат агенттігі хабарлайды.

Мен Қазақстандамын, бір аптадай бұрын ата-анам мен бауырларым көшіп келді. Өзім Алматыдағы С.Демирел атындағы университетте қазақ тілі мен әдебиеті мамандығы бойынша 4 курста оқып жатырмын. Қазір мамандығым бойынша жұмыс қарастырып жатырмын, - деді Айшолпан.

Сондай-ақ отандасымыз бүркіт өнерін тастамағанын айтты.

Оқу мен бүркітпен айналысуды қатар алып жүрмін. Аптасына бір рет айналысамын. Жарыстарға қатысып жүрген жоқпын, тек қонақ ретінде барамын. себебі оқудан қол тимейді, - дейді бүркітші қыз.

Еске сала кетсек, 2018 жылы қарашада бүркітші Айшолпан туралы фильм шықты.

Бөлісу: