Тамара Асар өмірлік жарымен қалай танысқанын айтып берді

Әнші Тамара Асар өзінің екінші жұбайы Жұмаш туралы кеңінен айтып, онымен қалай бас қосқанын және қалай танысқанын көпшілікке баяндады, деп хабарлайды El.kz ақпарат агенттігі. "Жақсы адамдарым" бағдарламасына сілтеме жасаған KAZ.NUR.KZ.

Бір көргеннен таңдауы маған түскені үшін рахмет айтамын. Біз алғаш рет Шымкентте көрістік. Ол қасымнан өтіп бара жатты да: "Мынау қандай әдемі келіншек, үйленемін", - деді. Әнші екенімді де, кім екенімді де білген жоқ. VIP залда отырған барлық адам күлді. Қазақша білмегендіктен бәрі: "Ол Тамар Асар ғой", - деді көпшілік. Болашақ жарым болса: "Ол кім", - дейді. Осылайша, менің телефон нөмірімді алып, жеті күннің ішінде қолыма сақина салды, - дейді әнші "Жақсы адамдарым" бағдарламасында.

Болашақ күйеуі Тамара Асарға өзін темір дәнекершісімін деп айтқан.

Бұл кісінің үлкен өндірісі бар екенін, ешнәрсесін білмедім. Кейін цехқа тамақ апарып жүргенде ғана қызметкерлердің бірі: "Шеф идет" дегенін естіп, өзімнің жұбайым сол өндірісті аяққа тұрғызған басшы екенін білдім. Менің бұл шешімді қабылдауыма әкем тікелей әсер етті. Видеоқоңырау арқылы көрсетіп едім. Басын изеді де: "Бұл жігіт терең білімді. Басы Сократтың басындай. Қателесіп тұрғам жоқ, осы - сенің адамың", - деді. Жеті күннен соң сақина салып, екі айдан кейін құда жіберіп, барлық жоралғысымен ұзатып алды. Ешқандай кездесу, гүл беру деген болған жоқ. Осылай бас қостық, - дейді Тамара Асар.

Қысқа да нұсқа. Жазылыңыз telegram - ға