Су тасқынымен күрес үшін Атырау облысына ҚТЖ-ның арнайы пойыздары жөнелтілді
Су тасқынымен күресу үшін Атырау облысына ҚТЖ-ның арнайы пойыздары жөнелтілді, El.kz ақпарат агенттігі.
Су тасқынына байланысты төтенше жағдай режимі енгізілген Құлсары станциясына Мақат және Бейнеу станцияларынан өрт сөндіру және шайып кетуге қарсы пойыздары жіберілді. Олар кесек тастармен, рельсті пакеттермен, шпалдармен жабдықталған. Басты міндеті – су басқан ауданнан еріген суды сорып алу.
ӨТЖ мәліметінше, еліміз бойынша барлығы толық жасақталған және кез келген уақытта 45 шайып кетуге қарсы пойыз су басқан жерге шығуға дайын. Штаттан тыс жағдайларға дереу ден қою үшін 47 өрт сөндіру пойызы кезекшілік етеді.
Су басқан аудандардан халықты теміржол арқылы эвакуациялау жалғасуда. Соңғы мәлімет бойынша Атырау облысында теміржол көлігімен 2320 жолаушы тасымалданды.
Қысқа да нұсқа. Жазылыңыз telegram - ға