Су тасқыны: Ақмола облысындағы елді мекендердегі жағдай қандай
Макинск қаласында облыстық жедел штаб жұмысы жалғасуда, деп хабарлайды El.kz ақпарат агенттігі.
Су тасқынына қарсы облыстық жедел штабтың екінші күнгі жұмысы кеңеспен басталды. Төтенше жағдайлар вице-министрі Рамиль Камалов пен облыс әкімі Марат Ахметжанов түнгі уақыттағы құтқарушылардың жұмысын қорытындылап, су тасқынының салдарын жоюға жұмылдырылған мамандармен алдағы іс-қимылдарды талқылады.
Түнде бірлескен күшпен 10 мың текше метрден астам су сорылып, 7 мың қапқа жуық инертті материал төселді. Назар аударуды қажет ететін учасклер картада белгіленді.
Штаб пен су тасқынына қарсы шараларға қатысатын жеке құрам сапқа тұрғызылды. Бұған қосымша Қарағанды облысы ТЖД-нан 22 адам мен 4 техникадан тұратын топ көмекке келді. Кейін штаб басшылығы жағдайды бағалау мақсатында әуеден бақылау жүргізуге шықты.
Қысқа да нұсқа. Жазылыңыз telegram - ға