Өскеменде құрылыс краны құлап кетті
Фото: inform.kz
03.06.2022 09:16
1372
Өскемен қаласында қатты желден мұнаралы кран құлады, деп хабарлайды El.kz ТЖМ баспасөз қызметіне сілтеме жасап.
Төтенше жағдайлар министрлігі өнеркәсіптік қауіпсіздік комитетінің мәліметіне сүйенсек, оқыс оқиға 1 маусымда Сәтбаев даңғылындағы құрылысы жүргізіліп жатқан көпқабатты үйдің маңында болған.
«Қатты желдің салдарынан құрылыс алаңындағы мұнаралы кран құлап кетті. Зардап шеккен ешкім жоқ. Кран басқа ғимараттар мен құрылыс нысандарына еш зақым келтірмеді», - делінген ақпаратта.
Сол сәтте кран жұмысқа қолданылмай, бос тұрған. Енді комитеттің Шығыс Қазақстан облысы бойынша департаментінің мамандары оқиғаның мән-жайын анықтайды.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Дубайда 1,5 мың қазақcтандықтың жылжымайтын мүлігі бар
Келесі жаңалық
Түркістанда полицейлер аула сыпырды