Шымкентте жоқ пәтерлерді жалға берушілер ұсталды
Шымкентте жоқ пәтерлерді жалға беріп келуші үш күдікті ұсталды. Жәбірленушілерге келтірілген шығын 1 млн теңгеден астам, деп хабарлайды El.kz ақпарат агенттігі.
Ұсталғандар тұрғын үйлерді жарнамалайтын қосымша арқылы қылмыстық әрекетін іске асырып, жоқ пәтерлерді ұсынатын жалған хабарландырулар жариялап отырған. Потенциалды клиенттер бұл ұсыныстарға қызығып, алаяқтармен байланысқа шыққан сәтте олар алдын ала төлем жасауға көндірген. Осылайша жәбірленушілер пәтерлерді брондау мақсатында ақша аударып, алдаудың құрбаны болған.
Күдіктілердің әрекетінен өткен жылдың тамыз айынан бастап жалпы 1 миллион теңгеден астам шығын келтірілген. Қазіргі таңда олардың интернет-алаяқтықтың 20 жайтына қатысы бар екені анықталды. Ұсталғандардан 11 ұялы телефон, 15 SIM-карта, ноутбук тәркіленді. Тергеу жұмыстары жалғасуда,-деп атап өтті полициядан.
Посмотреть эту публикацию в Instagram
Қысқа да нұсқа. Жазылыңыз telegram - ға