Шымкентте терроризмді насихаттаған тұрғынға үкім шықты
Фото: El.kz/Марина РУЗМАТОВА
Фото: El.kz/Марина РУЗМАТОВА
30.10.2024 09:40
312
Шымкент қылмыстық істер жөніндегі ауданаралық соты ҚК-нің 256-бабының 1-бөлігі, 259-бабының 1-бөлігі ("Терроризмді насихаттау және экстремистік әрекеттерін ұйымдастыру мақсатында адамдарды азғыру") бойынша айыпталған тұрғынға қатысты істі қарады, деп хабарлайды El.kz ақпарат агенттігі.
Сотталушы әртүрлі әлеуметтік желілер арқылы терроризмді насихаттап және экстремистік әрекеттерін ұйымдастыру мақсатында адамдарды азғырып көндірген. Сонымен қатар, террористік және экстремистік әрекеттерді ұйымдастыру мақсатында адамдарды жихадқа шақырған.
Сотталушының тағылған айып бойынша кінәсі іс бойынша жинақталған құжаттармен дәлелденеді. Сот ер адамға 256-бабының 1-бөлігі, 259-бабының 1-бөлігі негізінде 8 жыл мерзімге бас бостандығынан айыру жазасын тағайындады.
Сот үкімі заңды күшіне енген жоқ.
Бөлісу:
Қысқа да нұсқа. Жазылыңыз telegram - ға